Jee Loon Zaraa

Naino Se jab Barsa saawan to yaad aya, kya maine hai khoya or kya paaya,

Doob he rahi thi jab is varsha main, tab achanak tera khayal aaya, jab mann ki ankhein kholi to tujhko sath he paaya.
Bhula k pichli kahani dil ne gun gunaya, bahut hua, bas ab main jee loon zaraa.

Jee loon unn sapno ko jinko ankho main hoon sanjoti, khayalo ke resham dhagey main piroti.

Jee loon in lamho ko ki tu mere sath hai, hath tham k kehta hai tu, main hoon na, darne ki kya baat hai.

Haan sach hai ye ki tu ab tak mere khayalo main hai, khuda se maanga hai tujhe, Gawah hai wo, ki hur dum tu mere sawalon main hai.

Jigyasa hain mann main ki tu kab aayega, par tab tak is intezar ko jee loon, bhavnao k is pyale ko pee loon.

Tujh sang to humesha chalega pyar ka mausam, par tab tak is kudarat k nazare ko jee loon.

Sardi ka akelapan, to garmi main chao ki talash, rim  jhim barish main akele he bheeg loon,

Jab aayega tu, to sath main bantengey, par tab tak, dukh k patt-jhud or sukh k basant ko akele he Jee Loon.

Tere intezaar main tujh sang sath rehna seeekh loon.

© Manisha Dawar