Pehli Bochar Saawan ki.

Kadam jo rakha bahar to mehsus hua, kuch to baat hai is sham ki, Lugti nahin, ye bas naam ki.

Samay se pehle jo ye Suraj chipa hai, raaz iska ghanere badlo main likha hai.

Ujwal sa andhera aaj ho raha hai roshan, Intezar ka taap main jal raha hai dharti ka Kan Kan.

Murjhayi patiya bhar rahi hain aahain, Lambi shakhain dekh rahi hai rahein. Jaese sajni ke intezar ko taras rahi ho saajan ki bahein.

Dhimi si hawa main jab dimaag kahi khoya, Chanchal iss mann nai naya sapna boya.

Adhura sa lug raha tha jab lamha yeh, barish ki pehli bundh aayi apney sung sampurnta le.
Pehli kuch bundho ko jab dharti na apne andar sounka, Prashn utha mann main uskey, barish he hai na, kahi hai to nahi neer ka dhoka?

Tarasti bahon ko fir mila sukun, kudrat par cha gaya mohabat ka junoon. Khushboo uthi fir mitti se samarpan ki, ekatrit bundo ne bana diya dharti par darpan hee.

Hawaa ne fir hass kar kiya khushi ko bayan, pahunchayi bundey jagah jagah, na rahi fir duri kudarat ke darmiyan.

Aesa madhur dekh Milan, baadal or suraj ne chodi apni mann mani, Fasey jab pyar ke jaal main jug nai dekhi inki nadaani. Indar dhanush ka taaj audh Badal bana Maharaja, to dhup main chamakti bundhey lugi Raj Rani.
Guzri jab kirne bundho key trikon se, khelne lugi kudrat satrangi momm se.

Badalo nai kahi suraj ko ghera, to kahi suraj bana raha tha in par dera.  Badalo ka suarj se hai ye kesa yudh, rang leela main inkey kho rahi duniya sudh budh.

Kahi dikha lahoo luhaan sa baadal ka rang lal, peele rang se fir suraj chalta apni chal. Kesari or santri rang raha aasmaan ko apney main dhaal.

Fenka fir jab suraj nai apna taap, baadal kar raha kirno ka jaap. Nisri bundey ban rahi hai bhaap, dharti fir rahi hai judai se kaamp.
Samay ka jab chakar chala, pani fir apne jeewan chakr main dhaala. Niyam hai ye kudrat ka rok payega isko kaun bhala.

Kudrat ne pyar se de diya sandes, aatma rahegi amar bus badalti rahegi bhes.  Jeewan chakr hai ye kaha ik modd par tikta, samay ke aagey sab kuch hai bika.

© Manisha Dawar

Andherey ka Rang

Yu he bethe jab soch rahi thi, ki kin rango se berang hui zindagi; achanak nazar aaya Andhere ka rang.
Uss ek lamhe ne badal diya jeene ka dhang, Chal raha tha wo uss muskurati murat ke sang.

Gaadha tha woh rang kaunsa, lagta tha ki sab rango ko kha gaya,

Zindagi main anchahi mayusi Feyla gaya.

Uska andhera tha itna ujwal ki meri roshni fiki padh gayi;

Uski dheemi chal ke aagey, meri bhagti daudti zindagi thum gayi.

Uski kami main dikhi zindagi ki sampurnta, or meri sampurnta main dikhi zindagi ki kami.

Uski band ankho main bhi khilti thi hasi; or meri khuli ankho main bhi thi nami.

Heraan thi main dekh kar, ki kese andherey main usney sarey sansaar ko samaaya,
Or kis tarha in naino se sab kuch dekh kar bhi mera mann sabko na apnaa paya.

Uskey niraley vyaktitv ka samajh aaya mujhko raaz, bhut bhavishy ko bhul kar; bas jeeti thi wo “AAJ”
Beete kal ka bojh kaha, aaney waley kal ki fikr na hai jawaan; Audh ke chalti hai wo apney sir par aazadi ka TAAJ.

Dhundhti nahi kisi ka sath, uski nidarta ki alag hai baat,
Din ki hai usey chah kaha, pyar se guzaarti hai wo lambi raat.

Kis soch main Dubey rehte hum har dam, Satrangi na sahi berang to nahi hai Zindagi,

Mil jaatey agar rang saarey to kese zinda rehti Bandagi.

Chah ho jab aagey badhne ki, Ishwar raah dikhata hai,
Prastut karta hai wo udharan, ye nadan mann he na samajh pata hai.
Na jaaney kin khayalo ke jaal main khud ku bunta jaata hai.
Samajh jata jo zindagi ka matlab; wo Purshottam kehlata hai.

© Manisha Dawar

Ratiyaa

Naam Jab tera Kisi Zubaan Par aaye, Sabse pehle aankhon Ke aagay andhera chaye, Durr tuk bhaley koi kitni chala jaye.

Ek tuk jab dekhne lag uteri aur, nazar aaney lugta kuch aur.

Durr kahi ik loh hai jalti, Umeed ki nayi Kiran hai palti, Ziddi se uss sanchey main Roshni ki nayi murat dhalti.

Main na janu tujhko kese baya karte log, Ghum ke hatho marey tujhko kehte hongey Rog! , To Akeley pan ke sataye kehte hongey Jog.

Soch par insaan ke, nit teri kaya badalti, sach to ye hai ki ratiya tu har din sang hai chalti.

Koi kehta tu aaye har din ke baad, to koi kahe din aaye teri har chaal ke baad.

Samjhe jo tujhe wo ye jaan jaye, har khushi ke baad ghum, or har ghum ke baad aye khushi.
Khel hai ye waqt ka, isey kaun tham paye.
Iss khel ko koi jab samajh jata, khushi or ghum ko bhul Zindagi ko bas Tajurbey ke aankdey main naapta.

Andherey main tere, bas simta nahi hai ghum, khushiya deti hai jitni; logo ko nazar aati hai bahut kum.

Aaj banna chahu zubaan teri, kissey tere or baatein meri,
Nanhe Balak ko sota hua dekh tu maa ko sukun hai deti, parishrami ki din bhar ki thakawat harr leti,
Thuki umeedo ko naye sapney hai deti.
 Gup chup bato ko audhti, premi yugal ko jodti, tanhai ko todti, band raho ko nayi manzilo ki aur modti,
Or ha waqt se pratiyogita kar aagey badh, roshni ka swagat karne tu he to hai Daudti.

Ratiyaa tu ab akeli kaha, tujh sang judi bhawnaye hai, amawasya ki raat aaye bhi to kya, taro ki chadhar audh tu har dam rehti hai khadi.

© Manisha Dawar

I had forgotten

When we two met to become I, I did all that I could try. It was all part of us; laughing tears to sorrows cry.
We enjoyed every moment, from the spring of emotions, to statements dry.

In the warmth of your love I had forgotten the chill of the cold, but never realized this cold wind freezes my thoughts.

I had forgotten what sunburn is, but never realized; to absorb suns heat, it’s every ones turn.
I had forgotten to get wet in the rain, but never realized, it helped bad memories to drain.

Lost in your dreams- I forgot the reality, with eyes wide open, vision certainly has more clarity.

When you were my world- all my ambitions; towards you they mold.

I had forgotten, my life too has a goal.

When I gave you my trust- I had forgotten, its fragile very easily it may break.

Leaving me shattered; all energy would it take. But they say, when one door closes open’s another gate.

I had forgotten; to every end beginning is not too late,

Unless you have forgotten to live, coming for death, is what you wait.
Every burden is light; no problem has that weight, you have survived the digestion of what your life gave, don’t forget, it was only you who experienced all that you ate.  

Love, Care, Live for today, dream beautiful, smile and open your arms for its your positive thoughts that would build your fate.

© Manisha Dawar

Tajurbaa

Badti Umar ke sath chahey ghat jaye urjaa, Pal Pal badta jaata hai insaan ka tajurbaa.

Budape ko dekh katrate ho aese, iss seedhi par tum kadam naa rakhogey jaese.

Unn ankho se jissey tha tumne jag ko nihaara, kamjor ho chali jo aaj, wo dekh rahi hai berukhi ka ishaara.

Nazar andaaz na kar isey, ki yeah he hoga tera kal, niharta hai jisey aainey main, kuch palo ka saundary hai wo, sachai se kal jab hogaa rubaroo ehsaas hoga vyangyatamak tha wo.

Mann ki ankho se jo dekhega uss buzurg ko, uski zindagi lagegi roshan, dimaag ki soch taley jo dab gaya tu, bachi zindagi nazar aayegi hoti ojhal.

Aa pehchan karau teri kal ke aap se, kaese mazbut bani ye zindagi lamho ke taap se.

Sar par shwet dikhta hai jo, umar bhar ki tapsya, anmool hai wo. Chandi sa chamakta jo, kamai izat ki punji ka hai wo Prateek, Ujwal aankhein dikhti hai jo, jalta hain inmein tyag ka deep.

Jhuriya dikhti hai jo aankhon ke neechey, pramaan hai ye unn sapno ka, jaane kitne boye or kitney seenchey.
Kaamptey hath, giney chuney daant jo thar tharatey, apno se bichadne ka dekho darr hai sunatey.
Karno ko jo kum sunti waani, acha he to hai, apno ki dutkaar inhoney na jaani.
Kandhey aaj jo dikhtey kamjor, bhulo na inhoney he uthaya tha purey pariwaar ka bojh.
Chaltey kabhi they jo seena taan, aaj chaudhey ho wo kaesey, apney bacho nai banaa diya apne ghar main he mehmaan.

Kadwey ghunth bharte jo har dum, kaesey niwala niglengey. Pyar ke bas do bol, bol do pal bhar main he yeah piglengey.Dekh zaraa un hatho ki aur, zindagi banai inhone tumhari, or ab chalata hai tu inpar kismat ka zorr.

Thakey kadam jo aaj dagg magatey, zindagi ke har mausam ko jhela hai inhoney mushkilo main mazbut khadey to aasan lamho main naachtey nachatey.

Aakarshak kapdo ki inhey zarurat kaha, Sachai or imaandari ke usulo seapna vyaktitv sajaaya hain, Sochta kya mulyatmuk cheezo ke baarey main, zindagi ki har chunoti se ladd aagey badh khud ko himatt ka taaj pehnaya hai.


© Manisha Dawar

HAWAA

Faela Jaesa Astitv tera, waese he hai vyaktitv tera. Ghar ghar main hai tera Dera, brahmand main hai tera basera.

Barfili Chatano ko jab chu kar aati, sheet ka tum ehsas karati, Khili wadioyo ko jab chu kar aati, madhur sugandh felah mann ko naye sawere jaesa jagati.

Registaan se jab tum ho guzarti, banjar zameen bhi kuch aahein bharti. Barish Ke sang jab khel rachati, pyar ka udeshya sansaar main phelati.

Grishm main jab taruar ke neecha aati, Bechain se mann ko tum behlati.

Dekh paya hai kaun tumhe, par chalti sabke sang, nitt upaj deti nayi umango ko, mann main bharti rehti roshni, jaese roshan hota diya baati sang.

Sachai ki jab nagri chalti, sunadrta ke roop main dhalti. Mamta ki murat bann praan sabke bachati.

Sabko samajhti ek samaan, ho koi bhi jeev jantu ya pathar bezubaan. Tikti kaha ik nagri tu, chalti rehti nayi dagri tu, bani rehti har pal naye pradesh ki mehmaan.

Suchai ko tu jaese deti praan, burai ki kar mrityu ban bethti anjaan.

Mana bhavnao sang tu bhi behti, ekaant main bhi sang hai rehti.

Jis nagri se tu hai aati, apne safar ka haal batati, Dard se guzar kar jab tu hai aati, tadapti aaho ka shor sunaati. Burai ko jab dekh kar aati, aandhi ban pratishodh jatati. Seeli seeli si jab tu hai aati, un namm ankhon ka haal mehsus karati.

Daya, Vinamrata, Sachai, Pyar or Khushi ko jab chu kar aati, Chahre par sabke muskaan khilaa, har dil ko tu Jeet Jati.

© Manisha Dawar

Aieyna

Iski har jhalak main hai apnapan, dekho ye hai darpan.

Maa ki ankho main he khudko dhundhta wo nanha balak, aainey main apney aap ko dekh asmanjas main pad jata achanak, kaun hai ye? jo dikhta itna pyara, ankhiyan jaese jhilmill tara.

Nanhe hath kuch giney chunae danto ka sath, is muskaan ki alag he hai baat.

Badta bachpan jab khud ko ismey dekhta, Badte kadd ko uchal uchal kar dekho takkar deta, sharaarat ko apni ankho main samaetta
Aati jub yuvti ki baari, khilte chehre par khud he jaye wari. Sharmati ankhiyon main pyar ki pehli paari.
Yovan dekho samajhdari se sajhta, yuvak dekho suit bute main kesa jachta.

Mukabla nahi is nazarey ka, chahe khil uthe qayanat sari, dekh sajan aaj ayi ik dusrey ko sung sung dekhne ki baari.

Ubharti maa jab nanhe ki pehli jhalak hai dekhti, sathi sang apne uss sparsh ko samaetti, aieyne main dekh isey, dil ki dhadkan dekho kese sur hai chedti.

Chakr hai ye chalta chalega, har din jeewan ka aieyne ke sung dhalega.

Samjhega jo tu isey, to kabhi na bhatkega raah, bayaan karta hai sachai, dikhata teri antar aatma ki chah.

© Manisha Dawar