Pitritv

Papa Papa Shorr Machau, Saarey Ghar ko apney sir pe uthau, Par Daras tera Kahi na Pau. Karke Band wo namm Palkkey Teri yaadon main kho Jau.

Dubu jab gehri Soch main, ehsaas hota hai maa he nahi bacha to pita ki bhi godd main hai palta.
Maa jaese he suanti lori, Pita Bahaduri ki kahaaniya sunaata. Maa prem se rotey bachey ko sambhalti to pita chutkule suna bachey ko hasaata.

Maa to rakhti hai komalta se nanhe balak ko sambhal kar, Pita Dridta se usi bachey ko hawaa main detaa uchaal. Kabhi socha hai kya kyu rota nahi wo nanha baalak? Vishwaas hai usey unn bazuo pe. lagta hai usko ye khel, nahi koi chaal.

Maa agar ungli pakkad chalna sikhati, to pita pehla do pahiya chalaana sikhata. Chodkar achanak wo teri cycle tujhme aatmvishwaas jugaata.
Maa apney hatho se nanhe nivaley todd tujhko khilati, to pita haath main churi kaante thumaata.
Karta nahi wo shuk bachey ki kabiliyat pe, kehta hai vishwaas se, mere bache ko sab kuch hai aata.

Girta jab wo nanha balak maa ki ankhain bhar aati, pita kadak aawaz main bolta; chal uth fir se daud lugaa, tu hai mera nanhaa sipahi.

Baalak ko parishram kartey dekh maa hai pighalti, to parinaam dekh pita garv se chaati phulata, dekho mera khun hai ye, garv se apney sab doston ko batata.

Maa jaese deti sanskaar, pita dikhata duniya ke atyaachar. Sikhata tujhko mazbut banna, kehta hai bhavnao ka yaha nahi koi vyaapar.

Beta jab pita ke kandho se kandha milaata, baap bête ka rishta bhul pita usey apna Jodi daar banaata. Maa ke ladle balak ko ek sakaratmak purush banaata.

Maa ki mamta ka to jaap karte har dum, aaj Prakat karo pita ka bhi aabhar.


© Manisha Dawar