Rang Intezaar Ka

Fir aayi Holi, Par Piya tu kaha Hai, Apne sajan sang holi khel rahi sara jahan hai.

Har Roz yu to sajati Vivahita LAL rang hai, Par aaj uske chehre par iss rang ke khilene ka alag he dhung hai,

Yuvti wo jo Saajan ke sapne sanjo mand mand muskati,
Gulabi rang main hai dekho kese khil khilati.

Sakaaratmak khayalo wala vyakti, dekho bheed main ujwal sa khada, Chehera par uske hai rang hara.
Nanha Natkhat har kisi ko kar raha hai Geela, Masumiyat ki jwala ko audhta Rang Peela.

Gehri Soch Khule Vichar, Prakriti ka Prakat Karte Aabhar, Ye he to hai neele Rang ka adhaar.

Chidta Kabhi to kabhi dusro ko chidhata, Wo khushmizaz khud ko KESRI se sajata.

Tujh Sang Jeena Chahu Se Sabhi Rang,
Intezaar Fir hua shuru kab aayegi agali Holi, Umeed hai Jab sang hoga tu mere khil uthegi in sabhi rango ki toli.
Mann Se mere nikal tan par khil uthega tere pyar ka rang.

© Manisha Dawar

Kuch Dhundali Si Yaadein

Tujh Sang Bitaye palo ki kuch dhundhli si hai yaadein, Kano main gunj uthati hai kabhi, barso purani awaazein.

Nanhi gudiya ko khelte dekha jab apney pita ke saath, laut jana chaha tha maine usi pal main, Jab pyar banta hoga tumne mere sath

Sabse purani wo aakhri mulakat, yaad nahi kuch uss yaad ke baad. Dimag par zorr dala jitna, Dil bhar aaya mera utna, Soch main pad jaati hu, ki kyu aaj meri Zindagi tujh sang aabad nahi.

Tu Sath hota to pyar karti kabhi to kabhi tujh sang ladti, seekhti tujhse duniya-daari, to kabhi kitaabein thaam tujh sang padhti. Teri palko ki chao tale tere ladd dular main palti.

Yaad aata hai kuch kuch, kab tune tha khel main mujhe haraaya, mele ka aakarshan dikhane, apne kandho par mujhe chadhaya.

Yaad hai mujhko wo cycle chalana, teri godi main beth car ka steering sambhalna. Scooter par, aagey khada kar beach par tera mujhe Maa sung le jaana, zidd par meri fir wo chatpata khana khilana. Meri ankho ki bhasha padh wo Gubara dilaana.

Kaam se laut kar aate the jab, lohe to kabhi kanse ki aati thi Khushboo,

Yaad aata hai tere hath ka wo sparsh, meri kamyabi par tere chehra par khilta tha harsh, ye sab reh gaya hai beeta zamaana In sabse ab kabhi na ho paungi main rubaroo.

Yu to sath chalta tu har dum hai, fir kyu ladkhadate mere kadam hai?, Saump chala tu jo zimedari, pyar mila ussey itna, sari umar rahungi main aabhari. Amaanat  bana jisey byah laya tha tu, de chala tu mujhe rakhne ko sambhal abb hai meri baari.

Moh maaya chodd tu jo badaa muskurata hai, kese sang rakhu teri amaanat har dum? Mujhe tu kyu nahi bataata hai.

Farz nibhaaungi beta bann, par main hu ik beti, ik din vida ho jaungi main!! Sari duniya yehi hai kehti.

© Manisha Dawar

In LOVE with the SHARKLET

As I step into the new Bird, to describe the feeling “Awww” is just a little Word.

Clean Cabin Nice and bright, I see extra Leg Room, Forget the tight.

Sleek Seats are now part of IndiGo Fleet, Be careful your heart might just skip a beat.

As you experience the belt so thin, aisle looks wider there comes a satisfactory Grin.

Seat Pockets holding Items of Delight, Forget back Problems; Seat back ensures that your position is right.

Even if you want to relax don’t wonder where, the reclining button is right there.

The new tray table makes working so able, do’s and don’ts are marked on the Label.

Maintaining IndiGo standards to reduce the cost, I See seat covers with lesser width of cloth.

New aircraft is obviously great, we have managed to reduce more weight maintain IndiGo Trait.

We will keep flying longer adding more miles, pass by the oceans in international skies.

Buzz of the Men, Chirp of Women, Care for the Elderly, Support to the Special? Ohh so brotherly!!

Bright eyes of an Infant, Smile of a Kid, Customer Delight, hassles aside, this is all Part of IndiGo Joy Ride.

© Manisha Dawar

Dil Ki Pukaar

Sunn lu zara is dil ki pukaar, itne dino se ho raha bekarar, beetein palo ki yaadein ho rahi hai is par sawaar.

Sab kuch to milta nahi har kisi ko, fir kyu? Jo mila hai usey sarah nahi paa raha, naye jeewan ki talash main khud ko hai khota ja raha.
Khil Khilati hasi, kis khayal main hai dhasi, tamanaye aaj ki, beetein kal ke shrap main hai phasi.

Kitna Samjhau isey ki ye hai karmo ki wani, waqt kab raha hai ek jesa? Aaj kathanai to kal aasani.

Kehta Dil main to hu muskura deta khayal bunn, ye dimaag kabhi to hasein. Aaj main jeeye kal ki na sochey, apni lugaam kabhi to kasey.

Samjhaun kese isey, jo khoya kabhi na tha wo tera, Andhera ho chahe jitna ghanaa, aata hain fir bhi ujwal sawera.

Ye nashwar sharer dhundhta hai bhautik vastuo ka sath, Swarthi tu ghumta firey aawara. Anjaane main he sahi kabhi to bann kisi ka sahara.

Astitv dhunde jane kesa, aaj jaesa hai sab, kal kaha rahega wesa.

Sarey Apne ik din bunn jayenge sapne, Kya jaan ta nahi? Yu bana fire anjaan, jaan ayi thi jese wese he nikal jayenge praan.
Tanha inn raho main thaam le koi apna bhi hath, milna bichadna, khel hai ye saara karz ka, Muskura ke badd ja aagey, ik yehi ilaaj hain iss marz ka.

© Manisha Dawar